Referénsia ba Traballador Timor-oan iha preparasaun hasoru teste entrevista vaga sazonal Austrália

Referénsia Diálogu Entrevista ba Aplikante Vaga Servisu Sazonal Austrália iha PALM Scheme

B(caps)elun FAHE HO ITA! Tuir mai ezemplu versaun TETUM diálogu entrevista entre Empregador ho Aplikante vaga sazonal Austrália - PALM SCHEME. Referénsia ne'e fahe tutan ba belun sira ne'ebé agora prepara hela ka iha futuru atu tuir entrevista ba vaga hanesan.

---

#Download Aplikasaun Android Blog FAHE HO ITA

---

*** ENTREVISTA KOMESA ***

🇦🇺: Favor ida bele introdus ita nia-an mai ha'u?

🇹🇱: Ha'u husi Timor-Leste, ha'u iha etika servisu ne'ebé di'ak no iha deseju atu hakarak aprende hodi amenta abilidade. Ha'u prontu hasoru desafiu foun no hakarak kontribui sai trabalhador ba servisu sazonal Austrália.

🇦🇺: Ita aprende lian Ingles iha ne'ebe no bainhira?

🇹🇱: Ha'u aprende lian Ingles iha eskola no pratika iha moris loron-loron no liu husi kursu lian Ingles.

🇦🇺: Forsa no fraqueza saida maka ita iha?

🇹🇱: Ha'u nia forsa mak ha'u nian dedikasaun-as no hakarak atu servisu makás. Fraqueza ha'u nian mak, dala balun ha'u kritika demais ha'u nia-an, maibé ha'u esforsa atu hadi'a aspetu ida ne'e husi ha'u nia-an rasik.

🇦🇺: Tamba sa mak ita hakarak ba servisu iha Austrália?

🇹🇱: Ha'u hakarak servisu iha Austrália tamba atu hetan esperiénsia valioza, atu apoiu ha'u nia família iha Timor, no buka osan hodi prepara ba oportunidade iha futuru.

🇦🇺: Saida mak ita nia planu bainhira fila mai Timor?

🇹🇱: Ha'u nia planu bainhira fila mai Timor mak atu investe iha edukasaun ba ha'u nia oan sira ka loke negósiu ki'ik atu amenta oportunidade ba ha'u no família.

🇦🇺: Saida mak ita sei halo bainhira ita nia kliente hirus tamba la satisfaz ho servisu ne'ebé ita halo?

🇹🇱: Ha'u sei mantein kalma ho respeitu, rona sira nia preokupasaun, no buka solusaun ba sira nia problema hodi asegura sira nia satisfasaun.

🇦🇺: Bainhira ita la hatene instrusaun servisu, ita sei husu ba se?

🇹🇱: Ha'u sei husu ba supervizór ou kolega ne'ebé iha esperiénsia liu atu esplika no orienta ha'u hodi garantia katak ha'u sei hala'o servisu ho di'ak.

🇦🇺: Ita iha esperiénsia servisu ba area servisu ne'ebé ita hili no ita iha habilidade saida?

🇹🇱: Sim, ha'u iha esperiénsia ba area servisu ne'ebé ha'u hili, no ha'u iha habilidade hanesan servisu iha toos, prepara fini, kuda aihan, manutensaun no koileta, ne'ebé ha'u fiar katak sei vale hodi aplika iha pozisaun servisu ida ne'e.

🇦🇺: Ita iha família relativu ruma iha Austrália?

🇹🇱: Lae, ha'u la iha família relativu ruma iha Austrália.

🇦🇺: Deskrebe buat tolu kona ba ita nia-an rasik:

🇹🇱: Ha'u ema ida servisu badinas, aprende lalais, no ha'u valoriza servisu ho ekipa no kolaborasaun servisu.

🇦🇺: Ita iha esperiénsia servisu iha fatin ida no uja kuartu hamutuk?

🇹🇱: Sim, ha'u iha esperiénsia servisu iha kondisaun ne'ebé uja akomodasaun ida hamutuk, no ha'u konfortável ho ida ne'e.

🇦🇺: Ita iha preokupasau bainhira servisu dook husi família?

🇹🇱: Maske todan atu hadook-an husi família, maibe ha'u prontu atu halo sakrifisu ida ne'e tamba hetan oportunidade atu servisu no fo apoiu ba sira. Ha'u sei kontinua liga ho sira liuhusi komunikasaun regular.

[Entrevista Remata] 🇦🇺🤝🇹🇱

Pergunta sei bele várias depende ba entrevistador idaidak nia métodu. Atu aplikante ida fó resposta ho lolós maka tenke atensaun durante prosesu la'o no esforsu hodi responde ba pergunta sira hotu mezmu natón maibe koresponde ba entrevistador nia hakarak liga ba setor servisu sira maka aplikante ida hili.

 Boa Sorte!

RELEVANT INTEREST REFERENCE:

• Interview Dialogue for Australian Hospitality Industry

• Guia ba Setor Servisu Alojamentu & Ospitalidade Austrália 

#FAHEHOITA #FAHETUTAN