ePASAPORTE 🇹🇱: Tamba Saidá Tenke Produz iha Finlándia 🇫🇮

Timor-Leste Parseiru ho Finlándia
hodi Produs Pasaporte Eletrónika,
Razaun ba Eskolia Parseiru ne'ebé Adekuadu.

Graphic by Jaciello

D(caps)elegasaun husi Ministériu Finansas Timor-Leste hala'o vizita ba nasaun Finlándia atu finaliza detalhes kona-ba produsaun pasaporte eletrónika, nudar públika iha media nasionál sira iha Timor-Leste.

Razaun prinsipal balun ne'ebé halo Governo Timor-Leste deside hili nasaun Finlándia nudar nasaun parseiru ba projetu ida ne'e tamba:

1. Esperiénsia iha Teknolojia: Finlándia konhesidu ho setór teknolojia ne'ebé di'ak no esperiénsia  iha dezenvolvimentu ba sistema eletrónika. Ida ne'e inklui produsaun pasaporte eletrónika (ePassports), ne'ebé presiza teknolojia avansadu no seguransa, hanesan ­microchip. Kompañia finlándeza hanesan Thales iha esperiénsia  iha produsaun pasaporte eletrónika, tamba ne’e desijaun hili Finlándia nudar opsaun di'ak ba projetu ida ne'e.


2. Reputasaun Internasionál: Finlándia iha reputasaun internasionál boot liu iha kualidade no konfiabilidade iha setór sira hanesan teknolojia no seguransa. Hili parseiru ne'ebé iha reputasaun di'ak hanesan Thales iha Finlándia bele asegura katak pasaporte eletrónika Timor-Leste priense kriteria standarte internasionál no rekoinesidu mundialmente.


3. Konformidade ho Padrões Internasionál: Organizasaun Aviasaun Civil Internasionál (ICAO) rekomenda ba nasaun hotu atu halo tranzisaun husi pasaporte manuál ba pasaporte eletrónika atu melhorar standarte seguransa.       Finlándia iha nivel Esperiénsia  no konformidade tuir standarte internásional nudar parseru apropriadu hodi ajuda Timor-Leste produz pasaporte tuir rekomendasaun ICAO nian.


4. Kapasidade ba Produsaun: Finlándia iha kapasidade hodi produz pasaporte eletróniku ho kuantidade bo’ot nune’e bele responde ba pedidu Timor-Leste nian hodi produz pasaporte foun hamutuk 66,000. Ida ne'e esensiál atu asegura katak Timor-Leste bele halo tranzisaun husi livru pasaporte manuál ba pasaporte eletrónika ho efisiénsia, nune'e bele responde ba rekomendasaun hosi ICAO.


5. Kustu Negosiável: Finlándia nudar nasaun iha reputasaun diak no pratika negosiasaun ne’ebé justu nune’e bele fasilita negosiasaun hikas kona ba termu presu inisial projetu refere ho Thales nune’e iha potensialidade atinji akordu ne'ebé favorável liu.


6. Asisténsia Téknika: Finlándia mos bele fornese asisténsia téknika no transferénsia konhesimentu ba Timor-Leste durante tranzisaun husi pasaporte manuál ba pasaporte eletrónika. Ida ne'e bele inklui formasaun ba rekursu lokal no asegura implementasaun ne'ebé di'ak ba karaterístika seguransa sira.

Timor-Leste deside no hili nasaun Finlándia atu produs pasaporte eletrónika tamba bazeia ba esperiénsia Finlándia nian iha teknolojia, reputasaun internasionál, konformidade ho padron seguransa, kapasidade produsaun, no oportunidade atu negosia termu sira ne'ebé favorável. Parseiru ida ne'e mós hakarak ajuda Timor-Leste moderniza sistema pasaporte nian bazea rekomendasaun internasionál, ho objetivu atu asegura kualidade no seguransa.

---

Konaba Grupu Thales iha Finlándia vizita portal ofisial ne’e: Thales Group Finland 🇫🇮

---

#FAHEHOITA #FAHETUTAN